Nablusda shiddatli janglar ketmoqda. Kelgindi yahudiylar Yusuf payg‘ambar qabriga bostirib kirdi
Isroil G‘azo sektorida bosqinchilik va qirg‘inbarot urushini boshlaganiga 348 kun bo‘ldi. 24 soat davomida G‘azo sektori, Iordan daryosining G‘arbiy sohili hamda butun Yaqin Sharq hududida sodir bo‘lgan asosiy voqealar.
▪️Bosqinchilar Rafah, Nuseyrat lageri va Zaytun hududiga hujum qildi. Isroilning so‘nggi 24 soat ichida uyushtirgan hujumlarida kamida 20 kishi halok bo‘ldi, 54 kishi yaralandi.
▪️2023 yil 7 oktyabrdan beri Isroilning G‘azo sektoriga hujumi oqibatida falastinliklar halok bo‘lganlar soni 41 272 nafarga yetdi, kamida 95 551 kishi jarohatlangan.
▪️G‘arbiy Sohilda bosqinchilar Al-Xalil, Baytlahm va Tulkarmda falastinliklarni ommaviy hibsga olmoqda.
▪️Nablusda shiddatli janglar ketmoqda. Kelgindi yahudiylar Yusuf payg‘ambar (Avliyo Iosif) qabriga bostirib kirdi.
▪️Livan Sog‘liqni saqlash vazirligi: Isroil terakti (peyjerlarning portlatilishi) qurbonlari soni 11 kishiga yetdi va 4 ming yarador bo‘ldi, ulardan 400 nafarining ahvoli og‘ir.
▪️Qassam brigadalari Rafah shahrida bosqinchilar joylashgan binoni portlatib yubordi. 4 askar o‘ldi, 5 tasi yaralandi.
▪️Bugun tongda fashistlar Livan janubidagi Al-Udeys, Xiam, Marun va Shixin shaharlariga hujum qildi.
▪️G‘azo fuqarolik mudofaasi uskunalarsiz ishg‘olchilar hujumlari natijasida Burayj lagerida vayronalar ostida qolib ketgan 80 ga yaqin shahid jasadlarini olib chiqmoqda.
▪️G‘azo Sog‘liqni saqlash vazirligi G‘azoda o‘ldirilgan 34344 kishining ismlari, tug‘ilgan sanalari va jinsi ko‘rsatilgan 649 sahifalik hujjatni e’lon qildi. Birinchi 14 sahifada chaqaloqlarning ismlari bor.
