Yarim tunda Sirdaryoda ayanchli YTH sodir bo‘ldi. «Reanimasiya»da ikki nafar bemor vafot etdi

Bugun yarim tunda Sirdaryo tumani hududida ayanchli YTH sodir bo‘ldi. «Reanimasiya»da ikki nafar bemor vafot etdi. Bu haqda bugun, 1 avgust kuni yarim tunda, soat 02:30larda Sirdaryo tumani tibbiyot birlashmasi xodimi Telegram'dagi sahifasida xabar joylagan.

"Bugun ham smenaga kelganman. Aytishlaricha, yaqindagina Baxt shaharchasidagi katta magistral M-34 yo‘lida katta avariya ro‘y bergan. Reanimasiyaga kelgan ikki nafar bemor vafot etdi. Qizaloq ham bor, ahvoli yaxshi...", — deyiladi xabarda.

Xabarda, mazkur hodisa ishtirokchilarining avtotransport vositalari haqida ma’lum qilinmagan.

Ma’lumot o‘rnida, hozirga qadar mazkur hodisa yuzasidan rasmiy xabar berilmagan.