Xitoy elektromobillariga qarshi bojxona urushi davom etmoqda

Kanada Qo‘shma Shtatlar va Yevropa Ittifoqining yetakchiligidan so‘ng, Xitoy elektromobillari importiga 100% tarif joriy etishini aytdi, shuningdek, Xitoydan po‘lat va alyuminiy importiga 25% tarifni e’lon qildi.

«Biz yaqinda... Xitoyda ishlab chiqarilgan elektromobillarga 100% va Xitoy po‘lat va alyuminiyiga 25% boj qo‘yamiz», dedi Kanada Bosh vaziri Jastin Tryudo.

Bu chora aslida Xitoy elektromobillari narxini ikki baravar oshiradi.

Hukumat 1-oktabrdan Xitoydan elektromobillar uchun himoya tariflari joriy etilishini e’lon qildi. Bunga elektr va ba’zi gibrid avtomobillar, yuk mashinalari, avtobuslar va yuk tashish furgonlari kiradi.

Kanada Xitoyni elektr avtomobil sanoatini subsidiyalashda ayblab, xitoylik avtomobil ishlab chiqaruvchilarga nohaq ustunlik bermoqda.

«Xitoy kabi o‘yinchilar global bozorda o‘zlariga adolatsiz ustunlik berishni tanladilar», dedi Tryudo.

Eslatib o‘tamiz, may oyida Qo‘shma Shtatlar Xitoy elektromobillari uchun import bojlarini 25 foizdan 100 foizga oshirish rejasini e’lon qilgan edi. Bu arzonroq Xitoy avtomobillari bilan raqobat borasida xavotirlar fonida yuz berdi.