O‘zbekistonning Buyuk Britaniyadagi elchixonasiga rahbar tayinlandi

Kecha O‘zbekistonning Buyuk Britaniyadagi yangi Favqulodda va Muxtor elchisi Ravshan Usmonov Buyuk Britaniya poytaxtiga yetib keldi, deb xabar bermoqda "Dunyo" axborot agentligi.

U 2018 yildan shu kunga qadar O‘zbekistonning Malayziyadagi elchisi lavozimida ishlagan.

2000 yildan tashqi siyosat bo‘limida ish boshlagan, markaziy apparatda va O‘zbekistonning Ispaniyadagi elchixonasida turli lavozimlarda ishlagan. U Tashqi ishlar vazirligining Yevropa davlatlari va NATO bilan hamkorlik bo‘yicha direksiyasini boshqargan. Shuningdek, u Fransiyada va bir vaqtning o‘zida vaqtincha Italiya hamda Portugaliyada elchi lavozimida ham ishlagan.

Ravshan Usmonov 2019 yildan buyon Londondagi elchi lavozimida ishlab kelgan Said Rustamov o‘rnini egalladi.