Nyu-York markazida mashhur aktyorga hujum uyushtirildi

Mashhur amerikalik aktyor Stiv Bushemi kunduzi Manxetten markazida hujumga uchradi, deb xabar beradi New York Post.

66 yoshli Stiv Bushemi suratga olish guruhi a’zolari bilan birinchi marta ko‘rinishida, Nyu-York ko‘chalarida uyi yaqinidagi Ist-Sayd tumanining Kips-Bey mahallasida noma’lum shaxs tomonidan sababsiz hujumga uchraganidan keyin ko‘zlari va iyagida jarohat ko‘rindi.

Dahshatli voqea kuzatuv kamerasiga tushib qolgan, u yerda afro-amerikalik ekanligi taxmin qilingan erkak kunduzi aktyorning yoniga kelib, hech qanday sababsiz uning boshiga musht tushirgan. Guvohlarning so‘zlariga ko‘ra, jabrlanuvchi hech narsani ko‘rmagan va kutilmagan hujumdan yerga qulagan. O‘z navbatida hujumchi o‘z harakatini davom ettirgan va g‘oyib bo‘ldi.

Stiv Bushemi Nyu-Yorkda mashhur bruklinlik bo‘lib, u «Fargo», “Quturgan itlar” va “Katta Lebovski” kabi mashhur filmlarda rol o‘ynagan.

Nyu-York polisiyasi statistik ma’lumotlariga ko‘ra, 2023 yilda megapolisda jinoyatlarning umumiy darajasi 2022 yilga nisbatan bir foizga kamaygan, ammo 2020 va 2021 yillarga nisbatan oshgan.