Qodirov Checheniston parlamentiga yangi raisi tayinladi

Magomed Dudov o‘rniga Shaid Jamaldayev Checheniston parlamenti raisi bo‘ldi. Bu haqda Checheniston Respublikasi rahbari Ramzan Qodirov ma’lum qildi.

Parlamentni 9 yil boshqargan Daudov bugun, 15 may kuni muddatidan oldin iste’foga chiqdi.

«Bugun Checheniston Respublikasining birinchi prezidenti Axmat-Xajji Qodirovning ittifoqchisi bo‘lgan aziz va hurmatli Shaid Jamaldayev Checheniston Respublikasi parlamentining yangi raisi etib saylandi», — deb yozdi Checheniston rahbari o‘zining Telegram-kanalida.

Shaid Jamaldayev 1954 yilda Shimoliy Qozog‘iston viloyati Oktyabrskoye qishlog‘ida tug‘ilgan. 1978 yilda Tog‘ qishloq xo‘jaligi institutini agronom mutaxassisligi bo‘yicha tamomlagan. 2006 yilda siyosat fanlari nomzodi bo‘ldi. 2000-2009 yillarda Grozniy viloyati ma’muriyati rahbari bo‘lgan.

Faoliyati davomida u Checheniston rahbarining yordamchisi, milliy siyosat vaziri va Checheniston parlamenti deputati sifatida ham ishlagan. «Yagona Rossiya» fraksiyasi a’zosi.