Toshkentda 4 ta mashina ishtirokida YTH ro‘y berdi
Toshkent shahrining Shayxontohur tumani Furqat ko‘chasida 4 ta mashina ishtirokida yo‘l-transport hodisasi sodir bo‘ldi.
Toshkent shahar IIBB YHXB axborot xizmati xabariga ko‘ra, 2023 yil 26 yanvar kuni soat 12:20 larda Shayxontohur tumani Furqat ko‘chasida yo‘l-transport hodisasi kuzatilgan.
Foto: IIBB YHXB axborot xizmati
1990 yilda tug‘ilgan R.N. boshqaruvidagi davlat raqam belgisi «Spark», 1993 yilda tug‘ilgan A.X. boshqaruvidagi «Neksiya 3», 1996 yilda tug‘ilgan SH.T. boshqaruvidagi «Lacetti» va 2002 yilda tug‘ilgan I.S. boshqaruvidagi «Matiz» o‘zaro to‘qnashgan.
Foto: IIBB YHXB axborot xizmati
Yo‘l-transport hodisasi natijasida «Spark» hamda «Lacetti» rusumli avtomashina haydovchilari tan jarohati olgan.
Holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.