Tailandda musson yomg‘irlari oqibatida qurbonlar soni 22 kishiga yetdi

Tailandda musson yomg‘irlari oqibatida yuzaga kelgan suv toshqinlari va ko‘chkilar qurbonlari soni 22 kishiga yetdi, yana 19 kishi jarohat oldi.

Bangkok Post gazetasining Tabiiy ofatlarga javob berish va boshqarish departamentiga (DDPM) tayanib xabar berishicha, tabiiy ofatdan deyarli 30 ming xonadon jabr ko‘rgan.

Mintaqada qidiruv-qutqaruv ishlari davom etmoqda.

Shimoldagi Chiang Ray, Nan, Phayao, Phetchabun va Phrae provinsiyalarida suv toshqini xavfi saqlanib qolmoqda.

Har yili iyun-sentyabr oylari orasida musson yomg‘irlari Janubiy Osiyoda keng ko‘lamli tabiiy ofatlar va baxtsiz hodisalarga sabab bo‘ladi.