Serbiyada “Krushik” mudofaa korxonasining uch muhandisi qo‘lga olindi

Serbiya harbiy xavfsizlik agentligi (VBA), xavfsizlik va axborot xavfsizligi (BIA), IIV va prokuraturasi tomonidan “Krushik” mudofaa korxonasining uch muhandisi qo‘lga olingan. Bu xodimlar maxfiy ma’lumotni xorij berishda gumonlanmoqda.

Mamlakat Radio va televideniyesi (RTS) tarqatgan xabarga ko‘ra, gumonlanuvchilar Valevo shahridagi yirik mudofaa korxonasi sobiq va amaldagi muhandislari hisoblanadi. Dastlabki tergov natijasiga ko‘ra, ular ko‘p yildan buyon korxonaning maxfiy hujjatlarini chet el tashkilotlariga sotib kelgan va Serbiya mudofaasi hamda xavfsizligiga jiddiy ziyon yetkazgan.