Shols Samarqandda Xalqaro turizm akademiyasi faoliyati bilan tanishdi

Germaniya kansleri Olaf Shols 16 sentyabr kuni Samarqanddagi Xalqaro turizm akademiyasiga tashrif buyurdi.

2023 yilda Samarqand shahrida BMT Jahon sayyohlik tashkiloti Bosh Assambleyasining 25-sessiyasi doirasida ochilgan akademiya turizm sohasini rivojlantirish bo‘yicha yuqori malakali va talab yuqori bo‘lgan mutaxassislarni tayyorlash markazi sifatida faoliyat ko‘rsatmoqda.

O‘quv muassasasi bitiruvchilariga BMT Turizm tashkilotiga a’zo davlatlar tomonidan e’tirof etiladigan diplomlar beriladi.

Oliy martabali mehmon akademiyada yaratilgan sharoitlar hamda O‘zbekistonda zamonaviy sayyohlik infratuzilmasini barpo etish bo‘yicha amalga oshirilayotgan keng ko‘lamli ishlar bilan tanishdi.