Otabek Sattoriyning apellyasiya sudi sanasi belgilandi
Otabek Sattoriyning apellyasiya sudi sanasi belgilandi.
Ma’lumotga ko‘ra, sud shu yilning 29 iyun kuni soat 10.00da jinoyat ishlari bo‘yicha Samarqand viloyati sudi tomonidan ko‘riladi.
Ma’lumot uchun: jinoyat ishlari bo‘yicha Muzrabot tuman sudi tomonidan bloger Otabek Sattoriy JKning 139-moddasi 3-qismi «a», «g» bandlari (og‘ir yoki o‘ta og‘ir jinoyat sodir etishda ayblab, g‘arazgo‘ylik yoki boshqa past niyatlarda tuhmat qilish) va 165-moddasi 3-qismi «a» bandi (juda ko‘p miqdordagi tovlamachilik)da nazarda tutilgan jinoyatlarni sodir etganlikda aybdor, deb topilib, 6 yil 6 oy muddatga ozodlikdan mahrum qilingan edi.
Sattoriyning advokati Umid Davlatovning apellyasiya ishini Suxondaryo viloyatidan boshqa viloyatga o‘tkazish bo‘yicha iltimosnomasiga ko‘ra, ish Samarqand viloyatida ko‘rilishi belgilangan.
