Nigeriyada “qora juma” atamasi taqiqlandi
“Ommaviy axborot vositalari hamda do‘konlarda "Qora juma" atamasi ishlatilmasligi kerak”, deya ogohlantirdi Nigeriya shimolidagi Kano shtati islomiy polisiyasi, deb xabar bermoqda “BBC”.
Huquq-tartibot idoralari xodimlarining fikriga ko‘ra, "Qora juma" atamasi musulmonlar uchun haqoratli, zero, juma haftaning muqaddas kunidir.
"Shuni esda tutingki, polisiya har qanday axloqsiz harakatlarni nazorat qilish va oldini olish uchun, shuningdek, davlatda tinchlik, totuvlik va barqarorlikni saqlash uchun yonimizda bo‘ladi", deyiladi “Cool FM” radiostansiyasiga yuborilgan xatlardan birida.
“BBC” ushbu tavsiyani buzganlar qanday jazolanishi aniq emasligini ta’kidlamoqda.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)