Mirziyoyev: "Iqtisodiy zonalarni infratuzilma bilan ta’minlashga byudjetdan 320 milliard so‘m yo‘naltiriladi"

Sanoati past bo‘lgan Yangiobod, Zafarobod, Mirzacho‘l, Do‘stlik va Baxmal tumanlarida yangi korxonalarni qo‘llab-quvvatlash maqsadida:

- kiritilgan investisiyalar hajmiga qarab, yangi loyihalarga uch yil davomida soliq va bojxona imtiyozlari beriladi;

- “bir darcha” tamoyili asosida oilaviy tadbirkorlik va kichik biznes uchun mini-texnologiyalarni yetkazib berish, ularni 100 ming dollargacha moliyalashtirish va o‘qitish xizmatlari yo‘lga qo‘yiladi. Bunga 100 million dollar imtiyozli resurslar ajratiladi.

Shuningdek, viloyatda kichik sanoat zonalari soni 23 tadan 40 taga yetkaziladi. Iqtisodiy zonalarni infratuzilma (yo‘l, gaz, elektr) bilan ta’minlashga byudjetdan 320 milliard so‘m yo‘naltiriladi.