Messi 1,4 milliard yevroni olishni istamagan

"PSJ" bilan shartnomasi yakunlangach, Lionel Messi "Al-Hilol" safiga qo‘shilishi mumkin edi, ammo u MLSni tanlashga qaror qildi. Saudiya klubi rahbari Anmar Al-Xayli argentinalikning bunday qarori sabablari haqida gapirdi.

“Biz Messi bilan aloqada bo‘lganmiz. Biz Lionelga 1,4 milliard yevro taklif qildik, lekin u rad etdi, chunki uning oilasi AQShga ko‘chib o‘tmoqchi edi. Biz buni hurmat qilamiz, chunki oila puldan ham muhimroqdir”, — deya Al-Xayli so‘zlarini keltirgan NIBC.

Eslatib o‘tamiz, Messi joriy mavsumda 15 ta o‘yin o‘tkazib, 14 ta gol urgan va 11 bor sheriklariga assistentlik qilgan.