Kopa Amerika. Argentina keyingi bosqich masalasini hal qildi

Amerika Kubogi-2024 2-turidan o‘rin olgan Chili va Argentina terma jamoalari o‘rtasidagi uchrashuv yakuniga yetdi. Argentinaliklar 1:0 hisobida zafar quchdi.

Ushbu g‘alaba Argentina terma jamoasiga guruh bosqichining ikki turidan so‘ng guruhdan chiqish huquqini qo‘lga kiritdi. Amaldagi Jahon chempionlari “A” guruhida olti ochko bilan peshqadamlik qilmoqda, uch ochko bilan Kanada ikkinchi o‘rinda bormoqda. Peru va Chili terma jamoalarida bittadan ochko bor.

Shunday qilib, Argentina terma jamoasi Peru termasi bilan 3-tur uchrashuvida yirik mag‘lubiyatga uchragan taqdirda ham endi ikkinchi o‘rindan pastga tushmaydi.