Singapurda bir erkak qimorxonada 2,9 million dollar yutib oldi va vafot etdi

Singapurda erkak qimorxonada 4 million Singapur dollari (2,9 million AQSh dollari) yutib oldi va yurak xurujidan voqea joyida vafot etdi. Bu haqda International Business Times gazetasi xabar bermoqda.

Hodisa videosi guvohlardan biri tomonidan internetga joylangan. Kadrlarda kazino xodimlari karta o‘yinlari stoli yonida polda yotgan erkakka qanday yordam bermoqchi bo‘layotgani ko‘rsatilgan.

Voqea joyiga tez tibbiy yordam xodimlari yetib kelgan, biroq erkakning hayotini saqlab qola olmagan. Dastlabki ma’lumotlarga ko‘ra, erkak g‘alaba haqidagi xabardan hayajonlangan va yuragi chiday olmay qolgan.