Lavrov: "Durovning hibsga olinishi Telegramning ishonchliligi va mashhurligini ko‘rsatdi"

Rossiya tashqi ishlar vaziri Sergey Lavrov Telegram asoschisi Pavel Durov "kimningdir buyrug‘i bilan" qo‘lga olingani va unga og‘ir jazo bilan tahdid qilinganini aytdi. Uning so‘zlariga ko‘ra, hibsga olish messenjer ishonchli va mashhur ekanligini isbotladi.

"Endi Durov kimningdir maslahati bilan aniq olib ketilgan va dahshatli jazo bilan tahdid qilingan, shekilli, qandaydir tarzda shifrlash kodlariga kirishga umid qilgan bo‘lsa, endi fransuzlarning harakatlari bilan Telegram haqiqatan ham ishonchli va mashhur tarmoq ekanligi isbotlangan" - dedi Sergey Lavrov matbuot anjumanida.

Rossiya TIV rahbarining qo‘shimcha qilishicha, Moskva va Parij o‘rtasidagi munosabatlar, jumladan, so‘z erkinligi bo‘yicha pozisiyasi tufayli eng past nuqtada. Shuningdek, u Rossiya Fransiyadan Moskvaning Pavel Durovning hibsga olinishi bo‘yicha notasiga javobini kutayotganini aytdi.

Pavel Durov 24 avgust kuni Parijga kelganida qo‘lga olingan. Parij prokuraturasining xabar berishicha, Telegram asoschisiga qarshi ish 12 ta ayblovga tegishli. Ular orasida giyohvand moddalar savdosi, firibgarlik va pul yuvishda ishtirok etish kiradi. Pavel Durov hibsda qolmoqda.