Istanbul V dunyo halol sammitiga mezbonlik qiladi

Joriy yilning 28 noyabr-1 dekabr kunlari Turkiyaning Istanbul shahrida V Jahon halol sammiti bo‘lib o‘tadi.

Mazkur tadbir Turkiya prezidenti, shuningdek, Savdoni rivojlantirish bo‘yicha Islom markazi va Islomiy mamlakatlar standartlashtirish va metrologiya instituti homiyligida o‘tkazilmoqda.. Unda dunyoning 80 dan ortiq mamlakatlaridan kelgan ekspertlar va olimlar, davlat tashkilotlari va xususiy sektor vakillari qatnashadi. Sammitda mintaqaviy va xalqaro miqyosda strategik hamkorlik rivojlantirish, butun dunyoda tan olinadigan yagona halol standartini yaratish masalalari muhokama etiladi.

Bir paytning o‘zida halol mahsulotlar va xizmatlar taqdim etuvchi kompaniyalar ishtirokida «Halal Expo 2019» ko‘rgazmasi ham bo‘lib o‘tadi.