Isroil va Hizbulloh o‘rtasidagi so‘nggi hujumlar haqida nimalar ma’lum?
Hizbullohning hujumi Isroilning yaqinda qilgan qotilliklariga qarshi bir necha hafta davomida kutilgan edi.
Hizbulloh va Isroil kuchlari Livan-Isroil chegarasi orqali 7-oktabrdan beri olib borayotgan bir-biriga qarshi hujumlarni kuchaytirdi.
Aynan nima bo‘ldi?
Isroil samolyotlari yakshanba kuni erta tongda Livan janubiga hujum qilib, bu Isroilga hujum qilishga tayyorlanayotgan Hizbulloh raketa otish moslamalariga qarshi oldindan zarba ekanligini aytdi.
Isroil armiya radiosiga ko‘ra, Isroil armiyasi Hizbullohning ertalab soat 5 da Isroil markaziga yuzlab raketalarni uchirishini aniqlaganini, shuning uchun 100 samolyot bilan yarim soat oldin hujum qilinganini aytmoqda.
Livan guruhi rahbari Hasan Nasrullohning aytishicha, guruh o‘tgan oy qo‘mondon Fuad Shukrning o‘ldirilishiga javob tariqasida Isroil shimoliga yuzlab uchuvchisiz uchoq va raketalarni uchirgan.
Televideniye orqali qilgan chiqishida u shuningdek, isroilliklar hujumni fosh qilmaganini ta’kidladi va Isroilning harbiylar Livan guruhining raketa otish moslamalarini yo‘q qilgani haqidagi da’volarini rad etdi.
«Qanday qilib qarshilik harakati [Hizbulloh] 8,000 yoki 6,000 ta raketa va uchuvchisiz samolyotni uchirishi va Isroil bunga barham bergani haqida gapirish mumkin... bu yolg‘on da’volar», dedi Nasrulloh.
Kim nimaga zarba berdi?
Hizbullohning aytishicha, uning hujumi Isroilning 11 harbiy ob’ekti, jumladan Meron bazasi va bosib olingan Golan tepaliklaridagi to‘rtta obektga zarba bergan.
Nasrulloh televideniye orqali qilgan chiqishida operasiyaning asosiy maqsadi Tel-Aviv yaqinidagi Glilotda joylashgan Isroil razvedkasi ekanligini aytdi.
Uning qo‘shimcha qilishicha, guruh Tel-Avivdagi nishonlarga, jumladan Ben Gurion aeroporti va Isroil Mudofaa vazirligi binosiga zarba berishni rejalashtirmagan.
Uning qo‘shimcha qilishicha, Livan guruhi bu hujumda yuqori aniqlikka ega raketalardan foydalanish niyatida bo‘lmagan bo‘lsada, yaqin kelajakda ulardan foydalanishi mumkin.
Isroil esa «Hizbulloh»ning minglab raketalarini urganini aytmoqda.
