Ispaniyada Islom: tarix va bugun
Musulmonlar Ispaniyaga 700 hijriy yilda kirib borishgan. Islom ispan tamadduni ravnaqida muhim o‘rin tutgan. Arab tili esa butun Yevropa tillari, ayniqsa, ispan tili rivojiga salmoqli hissa qo‘shgan.
Ispaniyaning janubiy qismini nazorat qilgan mavrlar Andalusiya davlatiga asos soladi. Ushbu davlat VII asrdan XV asrgacha gullab-yashnadi. Bu yerda, ayniqsa, ilm-fan, san’at va tijorat barq urib rivojlandi. X asrda mazkur davlatning yirik shahri Qurtubada 500 ming musulmon istiqomat qilgan (o‘sha kezlar Parij aholisi 38 ming kishi edi). Andalusiyada o‘nlab kutubxonalar faoliyat yuritgan.
Umaviylar sulolasi vakili Abdurahmon I 700 yilning o‘rtalarida Ispaniyaga keladi. Andalusiya (“Varvarlar yeri”) – Ispaniyaning musulmonlar yashaydigan katta qismi, Pireney yarim orollariga birinchi xalifa bo‘ladi. Shuningdek, u umaviylarning Andalusiyada uch yuz yildan ortiq hukmdorlik qilgan sulolasini boshlab beradi. Dastlab Andalusiya Yevropaning boshqa davlatlari kabi qarovsiz joy edi. Biroq ikki yuz yil davomida musulmonlar u joyni madaniyat, san’at va savdo markaziga aylantirdi.
To‘qqizinchi asrda musulmon Ispaniyasi poytaxti Qurtuba bilan Yevropaning chinakam javohiriga aylandi. Ayniqsa, Abdurrahmon III davri Andalusiyaning oltin asri bo‘ldi. Ispaniya janubidagi Qurtuba Yevropaning intellektual markaziga aylandi. O‘sha vaqtlarda London kichkina qishloq edi. Qurtubada esa yarim million aholi yashar, 113 000 ta uy, 700 ta masjid bor edi.
Xonadonlar issiq suv bilan, saroylar favvoralar bilan ta’minlangan, bog‘lar bilan bezalgan edi. G‘arbliklar uchun mo‘’jizadek tuyulgan qog‘oz hamma joyda mavjud edi. U yerda kitob do‘konlari hamda 17 ta kutubxona faoliyat yuritardi. Ispaniyada minglab boshqa dinga mansub oilalar musulmonlar hukmronligi ostida ahil-inoq hayot kechirishdi!
1013 yili Qurtubadagi eng katta kutubxona yo‘q qilindi. Biroq Islom an’analariga sodiq qolgan yangi hukmdorlar kitob tarqatishga va olimlarni shaharlarga yuborishga ruxsat berdilar.
Islomning Ispaniyaga qaytishi XX asrda, 1978 yil yangi konstitusiya qabul qilingani munosabati bilan yuz berdi. 1986 yilda mamlakat parlamenti diniy erkinlik to‘g‘risida qonun qabul qildi.
Bugungi kunda Ispaniya aholisining 2 foizi (1,85 mln kishi) musulmon. Ulardan faqat 400 ming kishi saylovlarda ovoz berish huquqiga ega. Ispaniya musulmonlarining katta qismi marokashlik bo‘lib, ular musulmonlarning 71 foizini tashkil qiladi. Ko‘pchiligi sunniylar.
Statistik ma’lumotlarga ko‘ra, Ispaniyada musulmon aholi hududlarga teng tarqalmagan. Ko‘plab musulmonlar Andalusiya, Katoloniya va Barselonada istiqomat qiladi.
Ispaniyadagi yirik musulmon jamoalari – 300 ming kishi – Kataloniyada yashaydi. Mamlakat janubidagi Andalusiyada 120 ming kishi istiqomat qiladi. Madridda esa 80 ming musulmon hayot kechirmoqda.
Ispaniyada 450 atrofida masjid va namozxonalar faoliyat yuritmoqda. Ulardan 13 tasi yirik masjidlar va Islom markazlari hisoblanadi.
Ispaniya musulmonlarining 60 foizi muhojirlar va 40 foizi mahalliy aholi vakillaridir. .
Damin JUMAQUL tayyorladi