Hizbulloh va Isroil o‘rtasidagi urush boshlandimi?

Hizbulloh Isroilga uzoq kutilgan javob zarbasini berdi. Bu hujumdan avval Isroil Livanga hujum qilgani ma’lum qilindi.

Levant Strategik Ishlar Instituti direktori Sami Naderning so‘zlariga ko‘ra, bu «butun mintaqani to‘laqonli urushga jalb qilish imkoniyatiga ega», ammo Hizbulloh va Isroil «bundan qochishga harakat qilmoqda».

Reuters axborot agentligi Isroil tashqi ishlar vaziri İsrael Katsning so‘zlariga asoslanib, «Isroil to‘liq miqyosli urushga intilmayapti, balki yerdagi voqealar rivojiga qarab harakat qiladi», dedi.

Nasrullohning aytishicha, Eron tomonidan qo‘llab-quvvatlangan guruhning zarbasi «rejalashtirilganidek» yakunlangan.

Biroq, guruh o‘z zarbalarining ta’sirini baholaydi va «agar natija yetarli bo‘lmasa, biz boshqa safar javob berish huquqini saqlab qolamiz», dedi u.

Qo‘shma Shtatlar esa Isroilni to‘liq qo‘llab-quvvatlashga va’da berdi va Eron yoki Hizbullohning har qanday javob zarbasini oldini olish uchun so‘nggi haftalarda Yaqin Sharqqa katta miqdordagi harbiy kuchlarni ko‘chirgan.