G‘azoda ikki falastinlik o‘ldirildi

Juma kuni G‘azo sektorida isroillik harbiylar bilan bo‘lib o‘tgan to‘qnashuvda ikki falastinlik o‘ldirildi. Bu haqda Sky News Arabia telekanali xabar bermoqda.

Ma’lumotlarga qaraganda, har ikki falastinlik «Al-Burayj» qochqinlar lageri yonida bo‘lib o‘tgan to‘qnashuvda otib o‘ldirilgan.

Falastinliklar bir necha oydan beri har juma kuni norozilik namoyishi uyushtirmoqda. Odatda juma namozidan keyin boshlanadigan namoyishlarda shu paytgacha 190 nafardan ziyod falastinlik halok bo‘ldi, 20 mingga yaqini jarohat oldi.

Manba: azon.uz