G‘azoda halok bo‘lgan falastinliklar soni 33 899 nafarga yetdi

G‘azo sektorida davom etayotgan Isroil hujumlari tufayli halok bo‘lgan falastinliklar soni 33 899 nafarga yetdi. Bu haqda XAMAS nazoratidagi Sog‘liqni saqlash vazirligi tarqatgan matbuot bayonotida aytilgan, deb yozadi Sinxua.

O‘tgan 24 soat ichida 56 nafar falastinlik halok bo‘ldi, yana 89 nafari yaralandi, bu bilan Isroil va XAMAS o‘rtasidagi mojaro boshlanganidan beri halok bo‘lganlarning umumiy soni 33 899 nafarga, yaralanganlar soni esa 76 664 nafarga yetdi.

Bayonotda jabrlanganlarning bir qismi kuchli bombardimon va qutqaruv guruhlari yetishmasligi sababli vayronalar ostida qolayotgani qayd etildi.

Isroil armiyasi matbuot kotibi Avixay Adrai X ijtimoiy media orqali so‘nggi 24 soat ichida harbiy samolyotlar G‘azo bo‘ylab 40 dan ortiq "terrorchilar" nishoniga zarba berganini aytdi.

Isroil 2023 yilning 7 oktyabr kuni Isroilning janubiy chegarasiga qilgan hujumiga javoban G‘azo sektorida XAMASga qarshi keng ko‘lamli hujum boshladi, bu hujumda 1200 ga yaqin odam halok bo‘ldi, yana 200 dan ortiq kishi garovga olindi.