11 sinflarda yakuniy imtihonni o‘tkazish tartibi belgilandi

1. Ona tili va adabiyot fanidan imtihon o‘tkazish tartibi.
11-sinfni tugatgan o‘quvchilar ona tili va adabiyot fanidan ta’lim dasturi bo‘yicha ma’lum darajadagi kompetensiyalarga ega bo‘ladilar.O‘quvchilarning olgan bilim, ko‘nikma va malakalarini aniqlash uchun 2023–2024-o‘quv yilida 11-sinflarda yakuniy imtihon yozma shaklda o‘tkaziladi.Har bir insho mavzulari ona tili va adabiyot fani bo‘yicha umumta’lim maktablarning 5-11-sinflari mavzularini qamrab olgan.O‘quvchilarga bitta biletda 3 ta mavzu taqdim etiladi va o‘quvchilardan bittasi chiqib shu mavzulardan birini tanlab oladi va barcha o‘quvchi ushbu mavzu bo‘yicha insho yozadi. Insho yozish uchun 120 daqiqa vaqt ajratiladi va maktab tomonidan oldindan tayyorlab (maktab shtampi bosilgan) qo‘yilgan 12 varaqlik daftarga yoziladi.

2. Matematika fanidan imtihon o‘tkazish tartibi.
O‘quvchilarning olgan bilim, ko‘nikma va malakalarini aniqlash uchun 2023-2024-o‘quv yilida 11-sinflarda yakuniy imtihon yozma shaklda o‘tkaziladi.Har bir imtihon biletining savol va topshiriqlari matematika fani bo‘yicha 10-11-sinflari mavzularini qamrab olgan. Shuningdek, tavsiyada bilishga oid savollar, qo‘llashga va mulohazaga oid topshiriqlar bo‘yicha baholash mezonlari keltirilgan.O‘quvchilarga taklif etilgan baza savollaridan tashkil topgan 2 ta bilet taqdim etiladi. Biletda o‘quvchiga 10 tadan (6 ta algebra, 4 ta geometriya) savol beriladi. Savollarning 3 tasi (2 ta algebra, 1 ta geometriya) bilishga, 5 tasi (3 ta algebra, 2 ta geometriya) qo‘llashga, 2 tasi (1 ta algebra, 1 ta geometriya) mulohazaga oid bo‘ladi. Savollarga javoblarni yozish uchun maktab tomonidan oldindan tayyorlab (maktab shtampi bosilgan) qo‘yilgan A4 formatdagi qog‘ozlarga yozadilar.Bilet savollariga javob berishi uchun umumiy 180 daqiqa vaqt beriladi.

3. Davlat tili (ta’lim tili ta’lim tili o‘zbek tili bo‘lmagan sinflar uchun) dan imtihon o‘tkazish tartibi.
11-sinflar uchun Yakuniy davlat attestasiyasi materiallari tayyorlanish jarayonida o‘zbek tili fanidan 10-11-sinflarda o‘tilgan mavzular asos qilib olingan. Har bir variant 3 ta savoldan iborat. Savollarning 1tasi o‘qish savodxonligi, 1 tasi mulohaza qilish, 1tasi qo‘llashga oid. Yozma savollarga javoblarni yozish uchun maktab tomonidan oldindan tayyorlab (maktab shtampi bosilgan) qo‘yilgan A4 formatdagi qog‘ozlarga yozadilar. Imtihonda berilgan topshiriqlar bo‘yicha 120 daqiqa vaqt beriladi.

4. Chet tili fanidan imtihon o‘tkazilish tartibi.
Umumta’lim maktablarning 11-sinflari uchun chet tili fanidan yakuniy nazorat imtihoni tinglab tushunish, o‘qib tushunish, yozish, nutq ko‘nikmasini aniqlash yuzasidan o‘tkaziladi.Imtihon gibrid shaklda tashkil etiladi. Birinchi qism uchun umumiy 105 daqiqa vaqt ajratiladi. Bunda o‘quvchilarga imtihonni yozma qismi uchun oldindan tanlagan 2 ta variant taklif etiladi. Og‘zaki imtihon qismida 10 variant orasidan o‘quvchi bitta topshiriq tanlab o‘z variantida tushgan savol yuzasidan 10 daqiqa tayyorlanadi va 3 daqiqa gapiradi.

5. O‘zbekiston tarixi fanidan yozma va og‘zaki imtihonlarni o‘tkazilish tartibi.
O‘quvchilarning olgan bilim, ko‘nikma va malakalarini aniqlash uchun 2023–2024-o‘quv yilida 11-sinflarda yakuniy imtihon yozma va og‘zaki shaklda o‘tkaziladi.Har bir imtihon biletining savol va topshiriqlari O‘zbekiston tarixi fani bo‘yicha umumta’lim maktablarning 10-11-sinflari mavzularini qamrab olingan. Shuningdek, tavsiyada bilishga oid savollar, qo‘llashga va mulohazaga oid topshiriqlar bo‘yicha baholash mezonlari keltirilgan. O‘quvchilarga taklif etilgan baza savollaridan tashkil topgan 2 ta bilet taqdim etiladi. Biletda o‘quvchiga 5 tadan savol beriladi. Savollarning 2 tasi bilishga, 2 tasi qo‘llashga doir. Og‘zaki imtihon qismida 10 variant orasidan o‘quvchi bitta mulohazaga oid topshiriq tanlab o‘z variantida tushgan savol yuzasidan 10 daqiqa tayyorlanadi va 3 daqiqa gapiradi. Yozma savollarga javoblarni yozish uchun maktab tomonidan oldindan tayyorlab(maktab shtampi bosilgan) qo‘yilgan A4 formatdagi qog‘ozlarga yozadilar. Imtihonda berilgan topshiriqlar bo‘yicha 120 daqiqa vaqt beriladi.

6. Tanlov fanlari bo‘yicha imtihonlarni o‘tkazish tartibi.
Bir sinfda o‘quvchilarning ixtiyoridan kelib chiqib bir nechta fan tanlanishi mumkin ammo har bir o‘quvchi faqat bittagina fandan imtihonda ishtirok etadi.Tanlov fanlaridan imtihonlar joriy yilning 4-iyun sanasida o‘tkaziladi:

Fizika:
O‘quvchilarning olgan bilim, ko‘nikma va malakalarini aniqlash uchun 2023–2024-o‘quv yilida 11-sinflarda yakuniy imtihon yozma shaklda o‘tkaziladi.Har bir imtihon biletining savol va topshiriqlari fizika fani bo‘yicha Ixtisoslashtirilgan maktablarning 10-11-sinflari mavzularini qamrab olgan. Shuningdek, tavsiyada bilishga oid savollar, qo‘llashga va mulohazaga oid topshiriqlar bo‘yicha baholash mezonlari keltirilgan.O‘quvchilarga taklif etilgan baza savollaridan tashkil topgan 2 ta bilet taqdim etiladi. Biletda o‘quvchiga 10 tadan savol beriladi. Savollarning 3 tasi bilishga, 6 tasi qo‘llashga, 1 tasi mulohazaga oid bo‘ladi. Savollarga javoblarni yozish uchun maktab tomonidan oldindan tayyorlab (maktab shtampi bosilgan) qo‘yilgan A4 formatdagi qog‘ozlarga yozadilar. Bilet savollariga javob berishi uchun 180 daqiqa vaqt beriladi.

Kimyo:
O‘quvchilarning olgan bilim, ko‘nikma va malakalarini aniqlash uchun 2023-2024-o‘quv yilida 11-sinflarda yakuniy imtihon yozma shaklda o‘tkaziladi. Har bir imtihon variantining savol va topshiriqlari kimyo fani bo‘yicha 10-11-sinflar mavzularini qamrab olgan. Shuningdek, tavsiyada bilishga, qo‘llashga va mulohazaga oid topshiriqlar bo‘yicha baholash mezonlari keltirilgan.O‘quvchilarga taklif etilgan baza savollaridan tashkil topgan 2 ta bilet taqdim etiladi. Biletda o‘quvchiga 10 tadan savol beriladi. Savollarning 3 tasi bilishga, 6 tasi qo‘llashga, 1 tasi mulohazaga oid bo‘ladi. Savollarga javoblarni yozish uchun maktab tomonidan oldindan tayyorlab (maktab shtampi bosilgan) qo‘yilgan A4 formatdagi qog‘ozlarga yozadilar. Bilet savollariga javob berishi uchun 180 daqiqa vaqt beriladi.

Davlat huquq asoslari:
O‘quvchilarning olgan bilim, ko‘nikma va malakalarini aniqlash uchun 2023–2024- o‘quv yilida 11-sinflarda yakuniy imtihoni yozma shaklda o‘tkaziladi.Har bir imtihon biletining savol va topshiriqlari davlat va huquq asoslari fani bo‘yicha umumiy o‘rta ta’limning 10-11-sinflar mavzularini qamrab olgan. Shuningdek, tavsiyada bilishga oid savollar, qo‘llashga va mulohazaga oid topshiriqlar bo‘yicha baholash mezonlari keltirilgan. Topshiriqlar kundalik hayotda huquqiy voqea va hodisalarni idrok qilish orqali vujudga keladigan vaziyatlarni huquqiy jihatdan to‘g‘ri baholay olish va ma’qul qaror qabul qilish ko‘nikmalarini baholaydi.O‘quvchilarga taklif etilgan baza savollaridan tashkil topgan 2 ta bilet taqdim etiladi. Biletda o‘quvchiga 10 tadan savol beriladi. Savollarning 3 tasi bilishga, 6 tasi qo‘llashga, 1 tasi mulohazaga oid bo‘ladi. Savollarga javoblarni yozish uchunmaktab tomonidan oldindan tayyorlab (maktab shtampi bosilgan) qo‘yilgan A4 formatdagi qog‘ozlarga yozadilar. Bilet savollariga javob berishi uchun 120 daqiqa vaqt beriladi.

Geografiya:
O‘quvchilarning olgan bilim, ko‘nikma va malakalarini aniqlash uchun2023-2024-o‘quv yilida 11-sinflarda yakuniy imtihon yozma shaklda o‘tkaziladi.Har bir imtihon biletining savol va topshiriqlari geografiya fani bo‘yicha5-10-sinflari mavzularini qamrab olgan. Shuningdek, tavsiyada bilishga oid savollar, qo‘llashga va mulohazaga oid topshiriqlar bo‘yicha baholash mezonlari keltirilgan.O‘quvchilarga taklif etilgan baza savollaridan tashkil topgan 2 ta bilet taqdim etiladi. Biletda o‘quvchiga 10 tadan (5-10 sinflardan ) savol beriladi. Savollarning 3 tasi bilishga, 6 tasi qo‘llashga, 1 tasi mulohazaga oid bo‘ladi. Savollarga javoblarni yozish uchun maktab tomonidan oldindan tayyorlab (maktab shtampi bosilgan) qo‘yilgan A4 formatdagi qog‘ozlarga yozadilar. Bilet savollariga javob berishi uchun umumiy120 daqiqa vaqt beriladi.