Dunyo AQSh tufayli yangi global inqirozga duch kelishi mumkin

AQShning Texas shtatidagi sovuq tufayli dunyoga yangi global neft inqirozi tahdid qilmoqda. 

"Bloomberg" bu haqda tahlilchilar va treyderlarga murojaat qilib yozdi. 

Ma’lum qilinishicha, noqulay ob-havo tufayli neft qazib olish kuniga 4 million barrelga, ya’ni 40 foizga kamaygan.

«Dunyo Texasdagi yomon ob-havo tufayli bozor qancha neft yo‘qotganini kam baholamoqda», - degan «Trafigura Group»ning neft savdosi bo‘yicha direktori Ben Lakok.

Dastlab treyderlar ishlab chiqarish ikki-uch kunga kamayishini kutishgandi, ammo so‘nggi hisob-kitoblarga ko‘ra, pasayish hafta oxirigacha davom etadi. To‘liq tiklash esa bir necha hafta davom etishi mumkin.