Choyning insonga foydali jihatlarini bilasizmi?
Choy butun dunyoga mashhur ichimlik. U yilning barcha fasllarida sevib iste’mol qilinadi.
O‘zbekiston jurnalistlari delegasiyasi Sichuan provinsiyasiga tashrifi davomida Yaan choy zavodi mas’uliyati cheklangan jamiyatida bo‘ldi va u yerda haqiqiy tibet choyining tarixi va tarkibi bilan yaqindan tanishdi.
Zavod direktori Li Chaoguy jurnalistlar bilan suhbat chog‘ida mazkur zavodda ishlab chiqariladigan tibet choyi besh mavsum choyi deb atalishini qayd etdi.
Bunga sabab ushbu choy bahorda, bahor va yoz mavsumlari orasida, yozda, yoz va kuz mavsumlari orasida va kuzda terililar ekan. Choy tarkibida 45 xil mineral modda va foydali elementlar mavjud. U ayniqsa sovuq iqlimli hududlarda yashaydigan insonlar uchun foydalidir.
Negaki mazkur choy kishiga kuch-quvvat va energiya berish bilan birga, organizmda issiqlikni ushlab turadi.
Shuningdek, ushbu choy metabolizmni kuchaytirish xususiyatiga ega ekani, shu bois yog‘li va uglevodlarga boy taom iste’mol qiluvchilar uchun ham juda foydali.
Unda ishqorlar ko‘pligi saraton kasalligini bartaraf etishga yordam beradi.
Choyni ishlab chiqarishda tabiiy komponentlardan foydalanishga alohida e’tibor qaratiladi.
Bugungi kunda jahon bozorida sun’iy bo‘yoq va qo‘shimchalar qo‘shilgan choylar juda ko‘p. Biz bunga qat’iy qarshimiz. Zavodimizda choy ishlab chiqarishda eng yaxshi choy barglari saralab olinadi. Shuningdek unga sut ham qo‘shiladi. Insonlar bizning choyimizni ichib, o‘z salomatliklarini mustahkamlashlari tarafdorimiz, deya ta’kidladi zavod xodimlaridan biri.
Buyuk Xitoy faylasufi Konfusiy aytganidek: Choy ruhiyatni tetiklashtiradi, miyaga quvvat beradi, aqlni ziyoda qiladi, fikrni ravonlashtiradi, tafakkurni uyg‘otadi, uyquni qochiradi va teri rangini tiniqlashtiradi... . Demakki, choy ushbu zavodda ishlab chiqariladigan tibet choyi kabi tabiiy, xushta’m va foydali bo‘lishi lozim.
Manba: uza.uz
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
