Франциянинг Нант шаҳридаги мактабда пичоқ билан ҳужум оқибатида бир киши ҳалок бўлди, яна уч киши яраланди, деб хабар беради Синьхуа агентлиги.
Пайшанба куни Франциянинг ғарбида жойлашган Нант шаҳридаги мактабда юқори синф ўқувчиси пичоқ билан ҳужум қилиб, камида тўрт кишини яралади. Бу ҳақда маҳаллий ОАВ полицияга таяниб хабар берган.
BFMTV телеканали бир нечта манбаларга таяниб хабар беришича, яраланганлардан бири вафот этган.
Маълумотларга кўра, ўқитувчилар полиция келгунгача ҳужум қилган ўқувчини тўхтатишга муваффақ бўлган. Ҳозирда гумонланувчи қўлга олинган.
Ҳодиса жойига етиб келган Франция Ички ишлар вазири Брюно Ретайо бу ишни тахминан 50 нафар терговчи кўриб чиқаётганини ва улар тинмай иш олиб бораётганини маълум қилди. Унинг сўзларига кўра, 70 нафардан ортиқ шахс сўроқ қилинган.
Франция Бош вазири Франсуа Байру ҳужумдан сўнг мактабларда хавфсизлик чораларини кучайтиришга чақирди.
Нант шаҳар прокурори шанба куни матбуот анжумани ўтказиб, ҳодиса ҳақида батафсил маълумот бериши кутилмоқда.
Ўзбекистон Ташқи ишлар вазирлигига Россия Федерацияси ҳудудида ўзбекистонлик меҳнат муҳожирларининг ҳуқуқлари бузилиши ҳақидаги хабарлар кўпайиб бораётгани муносабати билан Россия элчиси чақирилди.
"Биз украиналиклар билан очиқ ва қийин мунозараларда 22 та ўта аниқ шартларни таклиф қилдик ва биз жуда кучли позицияда эканлигимизга ишонамиз", деди Келлог.
Россия президенти Владимир Путин ёз охири - куз бошида Хитойга ташриф буюради. Россия раҳбари Иккинчи жаҳон урушидаги ғалабанинг юбилейига бағишланган тадбирларда қатнашади.
"Биз Канада билан нима бўлишидан қатъий назар дўст бўламиз. Канаданинг мен учун алоҳида ўрни бор. "Канаданинг мудофаа харажатларини ошириш қарорини олқишлайман", - дея хулоса қилди АҚШ президенти.