Buyuk Britaniyada it salkam 40 ming dollarga sotildi
Buyuk Britaniyada Kim laqabli it Ginnesning rekordlar kitobiga dunyodagi eng qimmat it sifatida kirdi.
Ma’lumotlarga ko‘ra, noyob aql-idrokka ega bo‘lgan it «Farmers Marts» kimoshdi savdosi uyi tomonidan tashkil etilgan onlayn-auksionda 38,8 ming dollarga sotib olingan.
Bir yoshli Kimning sobiq egasi bo‘lgan fermer Dyul Jenkins «UPI» nashriga bergan izohida itining aql-idroki allaqachon uch yoshli it darajasida ekanligini aytgan.
«U hamma narsani qildi. Mol va qo‘ylarni qaradi, ularni himayaladi. U har qanday sharoitda ishlay oladi », dedi Dyul.
Ma’lumot o‘rnida, avvalgi rekord Xena ismli cho‘pon itiga tegishli bo‘lib, u 2020 yil oktyabr oyida 26 ming dollarga sotilgan.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)