Bugun Toshkent metropoliteni ba’zi bekatlarining kirish qismlari yopiladi
Toshkent metropoliteni yo‘nalishlarining ba’zi bekatlariga kirish qismlari 24 sentyabr kuni ishlab chiqarish zarurati sababli soat 05:00 dan boshlab yopiladi. Bu haqda O‘zbekiston Transport vazirligi axborot xizmati tomonidan ma’lum qilindi.
Vazirlik tomonidan berilgan xabarga ko‘ra, 24 sentyabr kuni quyidagi kirish qismlari yopiladi.
«Chilonzor» yo‘nalishi:
- «Pushkin» bekati — «Salar» ko‘prigi tomondan kirish qismi;
- «Hamid Olimjon» bekati — «O‘zmilliybank» tomondan kirish qismi;
- «Amir Temur» bekati — 50-maktab tomondan kirish qismi;
- «Mustaqillik maydoni» bekati — Mustaqillik maydoni tomondan kirish qismi;
- «Xalqlar do‘stligi» bekati — Tashkent City tomondan kirish qismi;
- «Novza» bekati — «Novza» masjidi tomondan kirish qismi;
- «Mirzo Ulug‘bek» bekati — «Milliy» stadion tomondan kirish qismi.
«O‘zbekiston» yo‘nalishi:
- «Toshkent» bekati — «Toshkent pochtasi» tomondan kirish qismi;
- «Oybek» bekati — Farmasevtika instituti tomondan kirish qismi;
- «Kosmonavtlar» bekati — Interpol binosi tomondan kirish qismi;
- «Tinchlik» bekati — Gaz loyihalash instituti tomondan kirish qismi.
«Yunusobod» yo‘nalishi:
- «Mingo‘rik» bekati — Geologiya muzeyi tomondan kirish qismi;
- «Abdulla Qodiriy» bekati — Gyote instituti tomondan kirish qismi;
- «Minor» bekati — Moliya instituti tomondan kirish qismi;
- «Bodomzor» bekati — «O‘zmilliybank» tomondan kirish qismi;
- «Shahriston» bekati — «Yunusobod» bozori tomondan kirish qismi;
- «Turkiston» bekati — Uchqahramon tomondan kirish qismi.
Vazirlik xabarida yuqorida sanab o‘tilgan kirish qismlari qaysi sana va vaqtgacha yopiq bo‘lishi ma’lum qilinmagan.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)