Bu yil 4 milliondan ziyod ko‘chat bepul tarqatiladi

Yirik sanoat korxonalarida, barcha sanoat zonalari atrofida yashil hududlar tashkil qilish zarurligi ko‘rsatib o‘tildi.

Chiqindi poligonlari atrofida terak, tut, gujum, zarang ekib, yashil belbog‘ barpo qilish, barcha issiqlik elektr stansiyalari, gidroinshootlar, suv omborlari atrofida ham ko‘chat ekish chora-tadbirlari belgilab olindi.

Ijtimoiy ob’ektlarga ko‘chatlarni bepul yetkazib berish bo‘yicha o‘tgan yili boshlangan amaliyot bu yil ham davom ettiriladi. Ularga 4 milliondan ziyod ko‘chat bepul tarqatilishi belgilandi.