ОКМК камбэк эвазига "Бобур Арена"да "Андижон"ни мағлуб этди

Ўзбекистон чемпионатининг 14-турида ОКМК сафарда "Андижон"га қарши майдонга тушиб, камбэк амалга оширди. "Кончилар" 0:2 ҳисобини 3:2га айлантириб, иродали ғалабани қўлга киритди.

Олмалиқликлар таркибида янги легионер Клейди Датси дебют ўйинидаёқ дублга эришди.

Миржалол Қосимов жамоаси очколарини 26 тага етказиб, пешқадам "Насаф" билан тенглашди. "Андижон" 19 очко билан 5-поғонада қолди.

Суперлига. 14-тур
Андижон — ОКМК 2:3
3 август, «Бобур Арена»
Голлар: Илҳом Абдуғаниев (33), Леван Арвеладзе (41, пеналти) — Клейди Датси (43, 65), Рубен Санчес (79).