«Пандемия» фильмининг катта премьераси бўлиб ўтади

10 сентябрь куни соат 18:00 да Ўзбекистон Миллий кино санъати саройида «Пандемия» бадиий фильмининг катта премьераси ўтказилади.

Фильмда бош ролни Матёқуб Матчонов ижро этган. Шунингдек, картинада Тамара Мирмақсудова, Айсанем Юсупова, Саидкомил Умаров, Фарҳод Абдуллаев, Баҳодир Мусаевлар суратга тушган.

Сюжет 2020–2021 йилларда бутун дунёга муаммолар туғдирган Cовид-19 кассалиги ва пандемиянинг Ўзбекистонда қандай кечганини ёритиб беради. Сенарий муаллифи Ҳуснилло Жомонқулов, режиссёр Абу Толиб Адамқулов, операторлар Дилмурод Турдибоев ва Алишер Аҳмедов, продюсер Аброр Набиев. Барча кино ихлосмандларини ушбу намойишга таклиф этамиз. Кириш бепул.

Миллий кинематографияни ривожлантириш маркази Ахборот хизмати