Путин Ким Чен Инни КХДР ташкил топган куни билан табриклади
Россия президенти Владимир Путин КХДР етакчиси Ким Чен Инга республика ташкил топганининг 76 йиллиги нишонланиши муносабати билан табрик телеграммаси йўллади. Россия президенти мамлакатлар ўртасидаги муносабатлар юқори даражада, деб ҳисоблайди.
"Ишончим комилки, биз биргаликдаги саъй-ҳаракатлар орқали Россия ва КХДР ўртасидаги ҳар томонлама стратегик шерикликни тизимли равишда мустаҳкамлашда давом этамиз. Бу, шубҳасиз, халқларимизнинг туб манфаатларига жавоб беради ва Корея ярим ороли ва бутун Шимолий-Шарқий Осиё минтақасида хавфсизлик ва барқарорликни таъминлашга мос келади", — дейилади телеграммада. Владимир Путин Ким Чен Инга “саломатлик ва муваффақият”, КХДР фуқароларига эса “тинчлик ва фаровонлик” тилади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
