Жазоирнинг амалдаги президенти муддатидан олдин сайловларда ғалаба қозонди

Жазоирнинг амалдаги президенти Абделмажид Теббун 7 сентябрь куни бўлиб ўтган муддатидан олдин президентлик сайловларида ғалаба қозонди.

Бу ҳақда мамлакат сайлов комиссияси маълум қилди.

Унинг маълумотларига кўра, Теббун 94,65 фоиз овоз олган ва сайловларда ғалаба қозонган. Унинг рақиблари, мўтадил исломий "Тинчлик жамияти ҳаракати" партиясидан Абделали Ҳасани Шериф ва Социалистик кучлар фронти вакили Юсуф Аучиш мос равишда 3,17 фоиз ва 2,16 фоиз овоз тўплади.

Охирги президентлик сайловларида 48,03 фоиз иштирок этган.

Жазоирда президент халқ овози билан 5 йил муддатга сайланади, давлат раҳбари бу лавозимни фақат икки муддатга эгаллаши мумкин; Ғалаба қозониш учун номзод 50 фоиздан ортиқ овоз олиши керак. Сайловнинг расмий натижалари Конституциявий суд томонидан эълон қилинади.