Криштиану Роналдудан Лионел Мессигача: Шахсий самолётга эга Топ 5 футболчи

Футбол юлдузлари нафақат майдондаги ғайриоддий истеъдодлари, балки муваффақиятлари билан бирга келадиган дабдабали турмуш тарзи билан ҳам танилган.

Ушбу спортчиларнинг ҳашаматли мулклари орасида уларнинг шахсий самолётлари ҳам бор. Бу самолётлар нафақат транспорт воситаси, балки бойлик, стиль ва шахсий имтиёзларининг тимсоли ҳамдир.

Биз 2024 йилда энг қиммат шахсий самолётларга эга бўлган Топ беш нафар футболчини батафсил кўриб чиқамиз.

1. Криштиану Роналду (Gulfstream G650)

65 миллион долларга баҳоланган Криштиану Роналдунинг Gulfstream G650 самолёти ҳашаматли авиация чўққисидир. Ўзининг замонавий дизайни, юқори тезлиги ва кенгайтирилган масофаси билан машҳур бўлган ушбу реактив самолёт Роналдуга қитъалар орасида бемалол парвоз қилиш имконини беради.

У 18 нафар йўловчини сиғдира олади, бу эса футболчининг хизмат сафари ва оиласи билан дам олиши учун жуда мос келади.

Қайд этиш жоиз, Gulfstream G650 дунёдаги энг тезкор бизнес-жетлардан бири бўлиб, у 7000 денгиз милини босиб ўтади ва бу Роналдуга Европадан Америкага тўхтовсиз парвоз қилиш имконини беради.

2. Златан Ибрагимович (Cessna Citation Longitude)

Златан Ибрагимовичнинг Cessna Citation Longitude учоғи 27 миллион долларга баҳоланган ва у футболчига мос келади.

Ушбу самолёт ҳашамат ва самарадорликнинг тимсоли бўлиб, 3500 денгиз мили масофани ва соатига 880 км тезликни таклиф қилади.

Самолётнинг замонавий дизайни, илғор кабина технологияси билан бирга, Ибраҳимовичнинг майдонда ҳам, майдон ташқарисида ҳам динамик ва истиқболли ёндашувига мос келади.

Унинг самолёти узоқ масофаларга саёҳат қилиш учун жуда мос келади, бу унга дунёнинг йирик шаҳарларига тўғридан-тўғри учиш учун мослашувчанликни таъминлайди.

3. Девид Бекхем (Bombardier Challenger 350)

Девид Бекхемнинг Bombardier Challenger 350 самолёти 26,6 миллион долларга баҳоланган. Бу реактив дизайн ва нафисликнинг дурдона асаридир.

Challenger 350 ўзининг силлиқ учиши ва ҳашаматли кабинаси билан машҳур бўлиб, бизнес ва дам олиш саёҳатлари учун идеалдир.

3200 денгиз мили масофаси билан Бекхем исталган манзилга бемалол саёҳат қилиши мумкин.

4. Лионел Месси (Embraer Legacy 650)

Лионел Мессининг 25,9 миллион долларлик Embraer Legacy 650 самолёти нафислик, қулайлик ва функционалликни ўзида мужассам этган самолёт бўлиб, худди Мессининг футбол услубига ўхшайди.

Ушбу реактив самолёт 3900 денгиз милини, узоқ масофаларни бир мартада босиб ўта олади.

Самолётнинг ҳашаматли салони учта зонага бўлинган бўлиб, Мессига оиласи билан қулай саёҳат қилиш имконини беради. Таъкидлаш жоизки, у тўлиқ ошхона ва Wi-Fi каби хусусиятларни ўз ичига олади, бу Мессига қаерга бормасин, алоқада бўлиш имконини беради.

5. Неймар (Embraer Legacy 450)

Бразилиялик футбол сенсацияси Неймар мутлақ ҳашаматда саёҳат қилади. Унинг 25,9 миллион долларга баҳоланган Embraer Legacy 450 шахсий самолёти бор.

Embraer Legacy 450 2900 денгиз мили билан машҳур бўлиб, Неймарнинг қитъалар ўртасида тез-тез саёҳат қилиши учун идеалдир.