Исроил Мадримов жанг олдидан орзуси ҳақида гапирди

Профессионал бокснинг супер ярим ўрта вазн тоифасида WBA йўналиши бўйича Жаҳон чемпиони, ўзбекистонлик Исроил Мадримов бўлажак жанги олдидан ўз фикрлари билан ўртоқлашди.

"Бу мен учун катта имконият. Мен дунёнинг энг яхши боксчисига қарши жанг қиламан. Бу орзум амалга ошди. Мен ўзимни ажойиб ҳис қиляпман, бокс тарихининг бир қисми бўлишга тайёрман.

Кроуфорднинг жамоасига фақат ҳурмат билдираман. Айтганимдек, у менинг севимли боксчиларимдан бири, лекин шу билан бирга, мен ҳам дунёнинг энг зўри бўлишимга ишонаман. Мен имконсиз нарсаларни амалга ошириш мумкинлигига ишонаман. Орзуим — ҳеч ким кутмаган нарсани амалга ошириш, ҳеч ким мендан ғалаба қозонишимни кутмаган жангда ғолиб бўлиш. Мен буни якшанба куни қила олишимга ишонаман!", деди Мадримов.

Маълумот учун, ҳамюртимиз эртага тонгда америкалик Теренс Кроуфордга қарши рингга кўтарилади.