Ҳиндистон криптовалюта бутунлай тақиқланган илк мамлакат бўлади, агар...
Ҳиндистон ҳукумати мамлакатда криптовалютани бутунлай тақиқлаш кўзда тутилган қонун лойиҳасини ишлаб чиқди, деб хабар бермоқда Reuters.
Хабарда айтилишича, криптовалюта сақлаганлик, чиқарганлик, тўплаганлик, сотганлик ва берганлик учун жарима ёки жиноий жавобгарлик белгиланиши мумкин. Бунда криптовалюта активларидан халос бўлиш учун фуқароларга олти ой муҳлат берилади. Агарда қонун лойиҳаси қабул қилинса, Ҳиндистон криптовалюта бутунлай тақиқланган биринчи мамлакат бўлиши мумкин.
Ҳиндистон ҳукуматининг фикрича, биткойндан ноқонуний схемаларда фойдаланилиши мумкин. Мамлакатда саккиз миллионга яқин инвестор 100 миллиард рупий (1,4 миллиард доллар) миқдоридаги криптоактивларга эга.
Маҳаллий Bitbns криптобиржасида рўйхатдан ўтган фойдаланувчилар ва пул оқими ўтган йилга нисбатан 30 бараварга кўпайган. 2019 йилда ҳукумат комиссияси криптовалюта тўплаганлик, сақлаганлик ва сотганлик учун 10 йилгача озодликдан маҳрум қилиш жазосини киритишни тавсия қилганди.
