Инаугурациядан олдин Путиннинг янги лимузини намойиш этилди

«Россия 1» мухбири Павел Зарубин биринчи марта Россия президенти Владимир Путиннинг янгиланган Аурус Сенат автомобилини намойиш этди. У тегишли видеоларни ўзининг Телеграм-каналида эълон қилган.

Аурус янгиланишидаги асосий нарса янги кўринишдир.

Умумий контсепция ўзгармаган бўлсада: оптика, бампер, радиатор панжараси, капот ва олд қанотлар ўзгартирилган.

Журналистнинг аниқлик киритишича, Россия давлат раҳбари 7 май куни Кремлда бўлиб ўтадиган инаугурация маросимига ўзгартирилган аурусда келади.

Янгиланган Аурус Сенат лимузини ҳақида батафсил маълумот 7 май, сешанба куни пайдо бўлиши керак. Шу кундан бошлаб махсус мўлжалланган гараж паркига янги лимузин қўшилади.