Кулеба Европани «уруш иқтисодиёти»га ўтишга чақирди

Украина Ташқи ишлар вазирлиги раҳбари Брюсселда бўлиб ўтган Мудофаа саноати форумида нутқ сўзлади ва Европа Иттифоқи давлатларини ўз иқтисодиётларини қайта йўналтиришга чақирди.

«Агар биз Европа Иттифоқида тинчликни сақламоқчи бўлсак, Европада ҳарбий иқтисодиёт ва ҳарбий саноатга ўтишимиз керак», деди Кулеба ва бу «Россия билан янги қуролланиш пойгасида» ғалаба қозонишнинг ягона йўли эканлигини қўшимча қилди.

Кулеба, шунингдек, европалик ҳамкорларни Украина мудофаа корхоналарига сармоя киритишга чақирди.

«Бу Украинани кўпроқ қурол-яроғ билан таъминлаш учун ажойиб имконият. Бизнинг ишлаб чиқариш қувватимиз молиявий ресурсларимиздан анча юқори», — дея қўшимча қилди у.

Европа Иттифоқининг ташқи ишлар бўйича олий вакили Жосеп Боррель, ўз навбатида, Европа Иттифоқи давлатларини Киевга ҳаво ҳужумидан мудофаа тизимлари ва ўқ-дориларни кўпроқ ўтказишга чақирди.