АҚШ президенти Доналд Трамп Россия Украинадаги урушни тугатиш бўйича келишувга рози бўлиши мумкинлигини айтди. Мумкин бўлган сулҳни шарҳлар экан, у "Россиядан жуда яхши сигналлар келаётганини" таъкидлади. Бироқ, бошқа Ғарб етакчилари Москванинг тинчликпарвар ниятларига шубҳа билан қарашади.
Британия Бош вазири Кир Стармернинг фикрича, Кремль музокараларни атайлаб кечиктираётган бўлиши мумкин.
“Биз Путинга президент Трамп таклиф қилган келишув билан ўйин ўйнашига рухсат бера олмаймиз”, деди у.
Стармер бугун вазиятни муҳокама қилиш учун Ғарб етакчилари, шу жумладан Германия канслери Олаф Шольц билан фавқулодда видеоконференция ўтказмоқда.
Германия ташқи ишлар вазири Анналена Бербок ҳам Москва позициясидан норозилигини билдирди.
"Тинчликка аниқ садоқат ўрнига биз ракеталар, шартлар ва кечикишларни кўрмоқдамиз", деди у.
Франция президенти Эммануел Макрон Россияни АҚШ таклиф қилган ва Киев томонидан маъқулланган 30 кунлик оташкесимни қўллаб-қувватлашга чақирди.
Ўз навбатида, Владимир Путин ўт очишни тўхтатишни принципиал жиҳатдан қўллаб-қувватлашини, лекин шарт қўйишини маълум қилди. Унинг сўзларига кўра, “биринчи навбатда жиддий муаммоларни ҳал қилиш керак” ва ўт очишни тўхтатиш “барқарор тинчлик”га олиб келишини кафолатлаш зарур.
Мутахассиснинг таъкидлашича, сўнгги пайтларда ўзбекистонликлар учун Россия бозорининг жозибадорлиги пасайган, чунки уларнинг ўз ватанида иқтисодиёт ва қурилиш соҳаси жадал ривожланмоқда.
АҚШ Адлия вазирлиги компаниялар нархларни ошириш мақсадида тухум етказиб беришни сунъий равишда чеклаб қўйган ёки йўқлигини аниқлаш учун текширув бошлади, деб хабар берди Gefluegelnews 14 март куни.
Украина Президенти Курск операцияси туфайли Покровск ва Харков йўналишларидаги вазият барқарорлашганини, Россия учун эса Покровскка яна таҳдид солиш имкониятини топиш "жуда қийин бўлишини" таъкидлади.