Байрутдаги портлаш қурбонлари сони ортди

Ливан пойтахти Байрутда 4 август куни юз берган портлашдан кейин бедарак йўқолган икки кишининг жасади топилган. Шу тариқа портлаш қурбонларининг сони 179 нафарга етди, дея хабар бермоқда “Евроньюс”. 

Маълум бўлишича, АҚШнинг Федерал қидирув бюроси вакилларидан иборат делегация Байрутдаги портлаш бўйича олиб борилаётган суриштирувларда қатнашади. Айни пайт суриштирувда Франция вакиллари иштирок этмоқда. 

Ливан президенти Мишел Аун портлаш билан боғлиқ суриштирув ишлари узоқ давом этиши мумкинлигини айтди. Айни пайтда у портлаш бўйича мустақил комиссия тузиш ҳақидаги чақириқларга қарши чиқиб, бу вақтнинг бой берилиши сабаб бўлишини таъкидлади. Аун портлаш туфайли истеъфо бермоқчи эмас. 

“Бу мумкин эмас, чунки бўшлиққа олиб келади. Ҳукумат истеъфо берди, мен ҳам истеъфо берсам, дарҳол сайлов ўтказишимизга тўғри келади. Аммо ҳозир сайловнинг вақти эмас”, – деди у.