Алабамада тропик бўрон: 12 киши ҳалок бўлди

АҚШнинг Алабама штатида рўй берган тропик бўрон оқибатида камида 12 киши ҳалок бўлди.

Клодет бўрони бир неча кундан бери давом этмоқда ва АҚШнинг жануби-шарқий қисмларини сув остида қолдириб, Атлантика соҳилига қараб ҳаракатланмоқда.

Алабамада икки машина тўқнашиши натижасида ўн киши, шу жумладан, тўққиз бола ҳалок бўлди. Шунингдек, 24 ёшли ота ва унинг уч яшар ўғли ўз уйида қулаган дарахт остида қолиб вафот этган.

Ёмғир катта миқдордаги тошқинларга сабаб бўлди, аҳоли пунктларидан одамлар эвакуация қилинган.