ОАВ: Япония Австралияга ҳарбий кемалар етказиб бермоқчи

Япония ҳукумати ўз ҳарбий-денгиз кучларини модернизация қилиш ва ривожлантириш дастури доирасида Австралияга ҳарбий кемалар етказиб бериш бўйича тендерда иштирок этиш ниятида.

Бу ҳақда Япониянинг Yomiuri газетаси хабар берди.

Таъкидланишича, Япония тендерда ғолиб чиқса, Австралия томонига ўзининг энг замонавий эсминетларининг модернизация қилинган версияларини етказиб беришни кутмоқда.

Қайд этилишича, Австралияга ҳарбий кемалар етказиб бериш учун бошқа потенциал номзодлар орасида Германия ва Жанубий Корея ҳам бор.