Амударё устидан ўтувчи қўшма кўприкда транспорт ҳаракати вақтинча тўхтатилади
“Ўзбекистон темир йўллари” Амударё устидан ўтувчи қўшма кўприкда транспорт ҳаракати вақтинча тўхтатилишини эълон қилди.
Қайд этилишича, Амударё туманининг Қипчоқ – Блокпост стансиялари оралиғидаги темирйўл кесишмасини жиҳозлаш бўйича қўшимча ишлар олиб борилади. Шу муносабат билан 7 май куни соат 14:00 дан 9 май соат 14:00 гача автотранспорт воситалари ҳаракати қўшма кўприкда вақтинча тўхтатилади.
Ушбу давр мобайнида автотранспорт воситалари ҳаракати Қипчоқ понтон кўприги орқали амалга оширилади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
