Zelenskiy Bryusselga yetib keldi
Bugun Ukraina prezidenti Vladimir Zelenskiy Bryusselga tashrif bilan keldi va u yerda xavfsizlik bo‘yicha yana uchta ikki tomonlama shartnoma imzolaydi. Bu haqda Ukraina OAVlari prezidentning Telegram-kanaliga asoslanib xabar berdi.
Prezident eslatishicha, Ukraina yaqinda Yevropa Ittifoqiga (EI) a’zolik bo‘yicha muzokaralarni rasman boshladi. Bugun u Bryusselga tashrifi chog‘ida Yevropa kengashi yig‘ilishida ishtirok etadi va ittifoqqa a’zo davlatlar rahbarlariga mamlakatni integrasiya yo‘lida qo‘llab-quvvatlaganliklari uchun minnatdorchilik bildiradi.
Xususan, tashrif davomida Zelenskiy Yevropa Ittifoqi va a’zo davlatlar rahbarlari bilan uchrashadi va ikki tomonlama muzokaralar o‘tkazadi, uchta xavfsizlik shartnomasini imzolaydi, ulardan biri YEI bilan.
