Xitoydagi talabalarning bir guruhi O‘zbekistonga qaytarilib, aeroportning o‘zida jiddiy tekshirilmoqda

Xitoyda tahsil olayotgan o‘bekistonlik talabalarning bir guruhi O‘zbekistonga qaytarildi. Ular ayni paytda Toshkent xalqaro aeroportida har tomonlama takomillashtirilgan tibbiy tekshiruvdan o‘tkazilmoqda. Bu haqda «Platforma.uz» Telegram kanali xabar berdi.

Xitoyda o‘qiyotgan o‘zbekistonlik talabalar 26 yanvar, yakshanba kuni soat 12:20 da GJ 8765 raqamli reys bilan Toshkentga yetib kelgan.

25 yanvar, shanba kuni O‘zbekiston tashqi ishlar vaziri Abdulaziz Komilov Yangi tipdagi koronavirus tarqalayotgan Xitoyning Uxan shahrida bo‘lib turgan 30 dan ortiq o‘zbekistonlik talaba Vatanga qaytarilishini ma’lum qilgandi.