O‘zbekiston yil oxirigacha YEOTBga qo‘shiladi

“Aytishim mumkinki, O‘zbekistonning bankka a’zo bo‘lish to‘g‘risidagi arizasi allaqachon qabul qilingan. Bankka qo‘shilishi bilan bog‘liq huquqiy masalalar yil oxirigacha hal bo‘ladi. Respublikaning bankdagi ishtiroki taxminan 10 foizni tashkil etadi. Albatta, bu bankimiz aksiyadorlari ulushlari o‘zgarishiga mutanosib ta’sir ko‘rsatadi”, — dedi YEOTB direktori Nikolay Podguzov.

EOTB (Evroosiyo taraqqiyot banki) 2006 yilda Olma-otada tashkil qilingan. Bugungi kunda bankka Armaniston, Belarus, Qozog‘iston, Qirg‘iziston, Rossiya va Tojikiston a’zo bo‘lgan. YEOTB asosan ishtirokchi davlatlarda uzoq muddatli barqaror rivojlanish loyihalariga sarmoya kiritadi. Bank sarmoya portfeli 15 mlrd dollar.