To‘y kortejidagi Cadillac ikki nafar qizni urib ketdi (VIDEO)

Bir kun oldin Chelyabinsk viloyati Troitsk shahrida sodir bo‘lgan voyaga yetmaganlar ishtirokidagi avtohalokat ayanchli yakun topdi.

11 iyun, juma kuni tushdan keyin 56 yoshli erkak boshqarayotgan to‘y kortejidagi Cadillac avtomobili 11 va 13 yoshli ikki qizni urib yubordi.

Ommaviy axborot vositalarining xabar berishicha, jabrlanganlar Chelyabinsk viloyat bolalar kasalxonasiga yetkazilgan va operasiya qilingan.

Voqea sodir bo‘lgan paytda avtomobil haydovchisi hushyor bo‘lgan.

Hozirda polisiya hodisani o‘rganmoqda. Jinoyat ishi qo‘zg‘atilgan.