Navoiyda havoni ifloslantirgani uchun 22 nafar fuqaro jarimaga tortildi
![Navoiyda havoni ifloslantirgani uchun 22 nafar fuqaro jarimaga tortildi Navoiyda havoni ifloslantirgani uchun 22 nafar fuqaro jarimaga tortildi](/photos/news/WuJhIketmFNKAB3.jpeg)
Navoiyda havoni ifloslantirgani uchun 22 nafar fuqaro jarimaga tortildi, deb xabar bermoqda viloyat Ekologiya boshqarmasi axborot xizmati.
Unga ko‘ra, Navoiy viloyati Ekologiya boshqarmasi davlat inspektorlari tomonidan 2024 yilning 1 maydan 17 may kuniga qadar shahar va tumanlarida o‘tkazilgan ekologik nazorat reyd tadbirlari davomida 22 nafar fuqaro noqonuniy ravishda atmosfera havosini ifloslantirgani aniqlandi. Bular:
- Konimex tumanida — 7 nafar;
- Uchquduq tumanida — 4 nafar;
- Xatirchi tumanida — 3 nafar;
- Navoiy shahrida — 3 nafar;
- Qiziltepa tumanida — 3 nafar;
- Karmana tumanida — 1 nafar;
- Tomdi tumanida — 1 nafar.
Aniqlangan holatlar yuzasidan fuqarolarning barchasiga Ma’muriy javobgarlik to‘g‘risidagi kodeksning 88-moddasi 1-qismi asosan ma’muriy bayonnoma rasmiylashtirilib, 4 mln 934 ming so‘m jarima belgilandi.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)