Turkiya Markaziy banki asosiy stavkani 50 foizga oshirdi

Turkiya Markaziy banki asosiy stavkasini yillik 45 foizdan 50 foizga oshirdi. Regulyator uni 2023 yil iyun oyidan beri kamaytirmagan.

«Fevral oyida oylik inflyasiya tendensiyasi kutilganidan yuqori bo‘ldi. <...> Xizmat ko‘rsatish sohasidagi inflyasiya, inflyasiya kutilmalari, geosiyosiy risklar va oziq-ovqat narxlarining oshishi inflyasiya bosimini qo‘llab-quvvatlamoqda», — deyiladi Markaziy bank bayonotida.

Regulyatorning aniqlik kiritishicha, qattiq pul-kredit siyosati inflyasiya tendensiyasining sezilarli va barqaror pasayishiga erishilgunga qadar davom etadi. Agar prognozlar yomonlashsa, choralar kuchaytiriladi.